أضخم الكلاب في العالم.. 20 عملاقا يصدمون العالم بحجمهم المذهل

أعزائي المتابعين السلام عليكم ورحمة الله وبركاته، أهلا بكم.

مستعدين تشوفوا أضخم الكلاب في العالم؟ لو قلبك متعلق بأكبر الكلاب، فأنا هنا عشان ناخد لفة سريعة ونشوف 20 نوع من أكبر الكلاب بالعالم، ومش هقول كلام معقد، هقولك الخلاصة اللي هتفهمك إيه اللي بيميز كل كلب، وإيه طبعه، وإيه اللي بيخليه فريد من نوعه.

أضخم الكلاب في العالم.. 20 عملاقا يصدمون العالم بحجمهم المذهل

لو بتبحث عن أضخم أنواع الكلاب واسمائها أو عايز تعرف اللي بيميزها وطبيعتها فخلينا ندخل في الموضوع على طول وركز معايا.

أضخم الكلاب في العالم للعائلة

هنبدأ بمجموعة من الكلاب الضخمة معروفة بطبعها الهادي، والقلب الطيب، واللي بتنفع جدا للعائلة اللي بتحب الهيصة واللمه الحلوة. دول مش مجرد كلاب ضخمة، دول كائنات حنونة بجد. أولهم:

ليونبرجر

الكلاب دي بقى دباديب بجد! كلب مليان شعر، بيحب اللعب أوي، وفي نفس الوقت هادي جدا. يعني لو عندك أطفال، الكلب ده هيكون صاحبهم الجدع.

• الاسم بالإنجليزي: Leonberger
• الطول: 72 - 80 سم
• الوزن: 45 - 77 كجم

من أضخم أنواع الكلاب بس خد بالك، عايز تمرين كويس وتدريب عشان يبقى مبسوط وصحته تمام.

أيريش وولفهاوند

ده بقى أطول كلب في العالم، يعني حاجة كده من كوكب تاني! يعتبر من أضخم الكلاب.

• الاسم بالإنجليزية: Irish Wolfhound
• الطول: 90 سم
• الوزن: 40 - 70 كجم

تخيلوا بقي الكلب ده طيب جدا مع الأطفال وبيحب اللعب، وكمان بيحب الحيوانات التانية، يعني مش هيعمل مشاكل. متتخدعش بحجمه الكبير، ده قلبه أبيض أوي.

نيوفاوندلاند

ده بقى عاشق المية! الكلب ده معروف بحنيته وحبه للأطفال. ومن اضخم انواع الكلاب في العالم.

• الاسم بالإنجليزية: Newfoundland
• الطول: 66 - 71 سم
• الوزن: 45 - 68 كجم

الكلب ده صبور أوي وبيحمي اللي بيحبهم، يعني بجد زي "العملاق الطيب". لو بتحبوا البحر أو حمام السباحة، الكلب ده هيكون صاحبك المفضل.

جريت دان

بصوا بقى، رغم إن شكلهم مخيف، لكن الجريت دان معروفين بـ "العمالقة الطيبة"، كلاب حلوة، وحنينة، ولطيفة مع الأطفال. الجريت دان تعتبر من أكبر الكلاب في العالم.

• الاسم بالإنجليزي: Great Dane
• الطول: 71 - 81 سم
• الوزن: 50 - 85 كجم

بصراحة، لعبهم وهزارهم بيخلي البيت كله يضحك.

سانت برنارد

واحد من أنواع الكلاب الضخمة، فاكرين أفلام الإنقاذ في الجبال؟ السانت برنارد هم الأبطال! الكلب ده طيب وحنين جدا مع العائلات.

• الاسم بالإنجليزية: Saint Bernard
• الطول: 65 - 70 سم
• الوزن: 65 - 120 كجم

كلاب أذكياء جدا، وبحبوا يقضوا وقتهم في البيت مع حبايبهم، يعني كلب حنين من الدرجة الأولى.

دول بقى اللي بيمثلوا القوة والحنية في نفس الوقت، لكن لسه في كتير، خلينا ننتقل للنوع التاني من الكلاب الضخمة...

لو حابب تعرف المزيد عن أنواع الكلاب بشكل عام هنا في المقال ده هتلاقي معلومات قيمة جدا.

أضخم الكلاب في العالم للحراسة والرعي

دلوقتي بقى، تعالوا نتكلم عن الكلاب اللي عندها ولاء غير عادي، وغريزة حماية فظيعة. دول مش بيحموا البيت فقط، دول بيحموا عيلتهم بقلبهم، يلا بينا نشوف مين هما:

الكوموندور الهنجاري

ده بقى الكلب الحارس اللي بجد! اتخلق عشان يحمي الخرفان، وعنده قوة مش طبيعية، وهدوء مريب. واحد من اضخم انواع الكلاب زي الكوموندور.

• اسمه بالإنجليزي: Hungarian Komondor
• الطول: 65 - 70 سم
• الوزن: 36 - 50 كجم

شعرهم الأبيض عامل زي الضفائر وبيخليهم يندمجوا مع الخرفان بسهولة.

أكيتا

ده بقى كلب هاتشيكو الوفي! السلالة اليابانية دي معروفة بغريزة الحماية القوية. الأكيتا تعتبر من أضخم أنواع الكلاب بالعالم.

• الإسم بالإنجليزية: Akita
• الطول: 61 - 71 سم
• الوزن: 34 - 59 كجم

الكلب ده عايز صاحب عنده خبرة، يقدر يدربه كويس ويخليه يتعامل مع الناس، بس لو عملت كده، هتلاقي كلب وفي أوي وبيحبك بجنون.

الكانجال التركي

ده بقى كلب الحراسة المخيف! الكانجال التركي مخلص لأصحابه وبيحمي ممتلكاتهم بكل قوته. من أكبر انواع الكلاب في العالم.

• الإسم بالإنجليزية: Turkish Kangal
• الطول: حوالي 86 سم
• الوزن: 50 - 66 كيلوجرام

بصراحة، الكلب ده مش بيهزر، بس كويس مع الأطفال والحيوانات التانية، وممكن ياخد دور "جليسة الأطفال". الكانجال محتاج مكان كبير أوي، يعني مش هينفع في شقة ضيقة.

الكوفاز

ده بقى واحد من أكبر الكلاب شجاع وكمان بيقدر يحمي المواشي! الكوفاز بيحب الاحترام، وبيرد الولاء أضعاف.

• الاسم بالإنجليزي: Kuvas
• الطول: حوالي 71 - 76 سم
• الوزن: 45 - 65 كجم

الكوفاز مش مناسبة لأي حد، عايزة حد عنده خبرة يعرف يتعامل معاها، وكمان مش بتحب العيشة في أماكن ضيقة.

البرانس العظيم

ده بقى واحد من أضخم الكلاب في العالم، حارس أنيق من طراز رفيع. البيرينيه العظيمة أو البرانس العظيم هي كلاب بتعيش في جبال البرانس، اتخلقت عشان تحمي الخرفان، وهي كمان بتحمي العائلات والممتلكات كويس أوي.

• الإسم بالإنجليزية: Great Pyrenees
• الطول: 68 - 81 سم
• الوزن: 45 - 73 كجم

بتتميز بشعرها الأبيض، وهي كلبة ذكية، بس عايزة تدريب عشان تسمع الكلام.

كلب بيرنيزي

ده كلب مختلف عن كلب البرانس العظيم، الكلب ده بيراقب كل حاجة حرفيا! ويعتبر حارس ممتاز، ودايما منتبه لأي خطر.

• الإسم بالإنجليزية: Bernese Mountain Dog
• الطول: 58 - 70 سم
• الوزن: 32 - 54 كجم

الكلب ده مش بس واحد من أكبر أنواع الكلاب في العالم، ده مخلص لعيلته جدا، بس ممكن يكون مستقل شوية، وعايز تدريب عشان يبقى تحت السيطرة.

كلب الراعي الآسيوي

ده كمان كلب من أنواع الكلاب الرعاة يعني بيرعي المواشي! وهو واحد من أضخم أنواع الكلاب.

• الإسم بالإنجليزية: Central Asian Shepherd Dog
• الطول: 65 - 78 سم
• الوزن: 50 - 80 كجم

الكلب ده طبعة بيختلف من واحد للتاني، بس الأكيد إنه قوي جدًا.

كلب الراعي القوقازي

الكلب ده مش بس واحد من أضخم الكلاب في العالم، ده شرس جدا وتهديد حقيقي للناس الغريبة. كلب الراعي القوقازي من زمان جدًا، وهو شجاع ومبيخافش من حاجة، وينفع كلب راعي أو حتى حراسة.

• الاسم بالإنجليزية: Caucasian Shepherd
• الطول: 64 - 75 سم
• الوزن: 45 - 77 كجم

الكلب ده ذكي أوي، ولكن متقلب المزاج ولازم تدريب من وهو صغير عشان تعرف تسيطر عليه.

البويربول

سمعت قبل كده عن كلب قلبه حديد! البويربول من جنوب أفريقيا، وهو كلب قوي جدا وبيحمي أصحابه بكل قوة.

• الإسم بالإنجليزي: Boerboel
• الطول: 60 - 70 سم
• الوزن: 60 - 90 كجم

البويربول يعتبر من أضخم الكلاب، ولكن عايز صاحب عنده خبرة، ومكان كبير، ووقت كتير عشان يتعامل معاه.

الماستيف التبيتي

ده بقي ممكن نعتبره ثاني أضخم أنواع الكلاب في العالم بجد، مخلص جدا وبيحمي بيته ومستحيل يخلي حد غريب يقرب.

• الاسم بالإنجليزي: Tibetan Mastiff
• الطول: 61 - 76 سم
• الوزن: 34 - 73 كجم

احذر يا صديقي، الماستيف التبيتي مش بيحب الغرباء، فممكن يكون مش مناسبة للأطفال الصغيرين.

الماستيف النابولي

الكلب اللي بيخوف أي حد! الماستيف النابولي شكله مخيف جدا، ولكنه كلب حراسة من النوع الرفيع، ويعتبر من أضخم كلاب العالم.

• الاسم بالإنجليزي: Neapolitan Mastiff
• الطول: 60 - 75 سم
• الوزن: 50 - 70 كجم

الكلب ده مش حلو مع الغرباء، بس بيحب عائلته أوي.

الماستيف الإنجليزي

أضخم سلالة كلاب في العالم وصاحب المركز الأول، يعني كلب ضخم بكل معنى الكلمة! الماستيف الإنجليزي طيب ولطيف.

• اسمه بالإنجليزية: English Mastiff
• الطول: 70 - 76 سم
• الوزن: 68 - 113 كجم

الكلب ده صديق ممتاز للي يقدر يستوعب حجمه الكبير وسيلان اللعاب.

الماستيف الأسباني

كلب ثقيل الوزن جدا وموجود من زمن الزمان! من اضخم انواع الكلاب.

• اسمه بالإنجليزية: Spanish Mastiff
• الطول: 72 - 90 سم
• الوزن: 70 - 100 كجم

الكلب ده عنده طبقتين من الجلد في رقبته، ودي حاجة مميزة جدا للماستيف الأسباني، وممكن نعتبره كلب مخيف وبالتالي ينفع في الحراسة.

دي كانت مجموعة كلاب الحراسة الأضخم في العالم، اللي بيجمعوا بين القوة والولاء. بس لسه فيه أنواع أخري من العمالقة لازم نتعرف عليهم، يلا بينا نشوف...

لو عايز تعرف مين هم أشرس أنواع الكلاب في العالم ستجد هذا المقال ممتع ومفيد جدا.

أضخم الكلاب في العالم للصيد

فيه سلالات تانية كبيرة لازم نتكلم عنها، مش هنسيبها كده، دي كمان تستاهل نعرفها ونتكلم عنها شوية، عشان كده هقولك الخلاصة:

ديرهاوند الأسكتلندي

واحد من أضخم الكلاب وكمان كلب صيد سريع جدا، يستخدم في صيد الغزلان.

• الإسم بالإنجليزية: Scottish Deerhound
• الطول: 71 - 81 سم
• الوزن: 36 - 50 كجم

الكلب ده لطيف وودود، بس غريزة الصيد اللي عنده ممكن تعمل مشاكل مع الحيوانات الصغيرة مثل القطط.

الديرهاوند الإنجليزي

كلب صيد الغزلان الإنجليزي من أضخم أنواع الكلاب اللي كانت بتستخدم في الصيد، وخصوصا صيد الغزلان. هو كلب ضخم ورشيق في نفس الوقت.

• الإسم بالإنجليزية: English Deerhound
• الطول: 71 - 76 سم
• الوزن: 35 - 50 كجم

بيتميز بجسمه القوي، وأرجله الطويلة، على عكس بعض الكلاب الضخمة التانية، الديرهاوند الإنجليزي عنده طبع هادي، وبيكون وفي ومخلص لأصحابه.

بيحب اللعب والتمرين، بس مش بيحتاج مساحات واسعة أوي زي بعض الكلاب التانية. كمان بيتميز بشعره الخشن اللي بيحميه في الظروف الجوية الصعبة.

وبكده نكون خلصنا رحلتنا مع 20 كلب من أضخم الكلاب في العالم، بس لسه في حاجة مهمة ايه رائيك نقارن بينهم احتفظ بالصورة دي عندك هتساعدك في الإختيار جدا...

لو حابب تعرف قصة الكلاب ومن أين بدأت بالضبط هتلاقي هنا حكايتهم بالتفصيل.

كيف تختار الكلب الضخم المناسب؟

بصراحة، إنك تجيب كلب عملاق ده قرار كبير، مش لعبة! لازم تفكر كويس في حياتك، وفي المكان اللي عايش فيه من حيث المساحة، وخبرتك في تربية الكلاب، وفي عيلتك لو عندك أطفال. ابحث كويس عن كل سلالة، عشان تعرف إيه الأنسب ليك، وتتأكد إنك هتقدر تديله الحب والرعاية والتدريب اللي يستحقه.

سؤال وجواب عن أضخم أنواع الكلاب

متنسوش إن أضخم أنواع الكلاب في العالم دي مش مجرد حجم، دول أصحاب وأرواح طيبة مستنية تشارك حياتها مع العيلة الصح. ها، مستعدين ترحبوا بعملاق في قلبكم وبيتكم؟ أنا واثق إنكوا هتعرفوا تعملوا الصح! لو عندك تجربة مع الكلاب الصخمة شاركنا بها في التعليقات، سلام يا وحوش.